धरानः धरान कटाउन लाग्दा ठूलो परिमाणमा गाँजासहित महिला र पुरुष गरी १४ जना पक्राउ परेका छन् ।
धरान–१३ जिरोप्वाइन्टबाट ठूलो परिमाणमा नियन्त्रित लागूऔषध गाँजासहित १४ जनालाई प्रहरीले पक्राउ गरेको प्रहरीले जनाएको छ । विशेष सूचनाको आधारमा अस्थायी प्रहरी पोष्ट अमरहाट धरानबाट खटिएको प्रहरी टोलीले धनकुटाबाट धरानतर्फ आउँदै गरेको द्यच्ज्ञण्एढज्ञछद्ध र ःएज्ञठत्ब्ण्छज्ञद्द नम्बरको दुई वटा बलेरो गाडीलाई रोकेर चेकजाँच गर्ने क्रममा दुई वटा गाडीबाट १ सय ४९ केजी गाँजा बरामद भएको थियो ।
गाँजा बरामद भएसंगै ओसार पसारमा संलग्न रहेका चालकहरु भारत बिहारका ३१ वर्षीय मनोरन्जन मुइमार, ३९ वर्षीया गोपी मण्डल र गाडीमा सवार रहेका २३ वर्षीय सञ्जयकुमार मण्डल, ३५ वर्षीया रेखा देवी, ३५ वर्षीया रिङ्की देवी, ३५ वर्षीया दया मण्डल, ३७ वर्षीय राजेश मण्डल, ४० वर्षीया पुनम देवी र २४ वर्षीया गुडिया देवीलाई समेत पक्राउ गरेको हो ।
पक्राउ गरेसँगै घटनामा द्यच्ज्ञण्ब्व्द्धद्धडट नम्बरको कार चालक भारत बिहारका २३ वर्षीय सन्तोष साह, कारमा सवार २३ वर्षीय अंकितकुमार यादव, राजा जैसवाल, शिवम् सिंह र सत्यम यादवको संलग्नता रहेको पाइएकोले उनीहरुलाई समेत प्रहरीले नियन्त्रणमा लिएको हो । बरामद गरेको लागूऔषध गाँजा, सवारी साधन र पक्राउ परेका उनीहरुको सम्बन्धमा थप अनुसन्धान भइरहेको प्रहरीले जनाएको छ । केहीदिनअघि प्रहरीले दुई वटा अटो टेम्पुमा राखेर तस्करीका लागि लैजान लागिएको ८८ केजी गाँजासहित दुई जनालाई पक्राउ गरेको थियो ।
दुई वटा अटो टेम्पुसहित १ सय ४९ केजी गाँजा बरामद
प्रहरीले धरानबाट १९ वर्षीय मौसम राई र २२ वर्षीय अभिषेक शेर्मालाई अटोमा लोड गरी अन्यत्र लैजान लागिएको लागूऔषध गाँजासहित पक्राउ गरेको थियो। राईले प्रयोग गर्ने प्रदेश १–०२–००३ ह ३७४ नम्बरको अटो टेम्पुबाट ३६ किलो र शेर्मा चालक रहेको को १ ह ५०९८ नम्बरको टेम्पुबाट ५२ केजी गाँजा बरामद भएको हो ।