धरानः नेपालकी चर्चित गायिका मेलिना राईले आज धरान एक्स्पोमा प्रस्तुति दिने भएकी छन् ।
सुनसरी उद्योग वाणिज्य संघको आयोजनमा धरान रङ्गशालामा फागुन ११ बाट जारी एक्सपोमा आज मेलिनाले आफ्ना साङ्गीतिक प्रस्तुति दिने एक्स्पोका संयोजक गोपाल श्रेष्ठले जानकारी दिए ।
मेलिनाको ‘कम्मरमाथि पटुकी’, ‘शीरैमा शीरबन्दी’, ‘तिमीले बाटो फे¥यौ अरे’, ‘कुटुमा कुटु सुपारी दाना’ जस्ता दर्जनौं गीत चर्चित छन् । उनी नेपाली साङ्गीतिक क्षेत्रमा निरन्तर साधना गरिरहेकी छन् । साँझ ६ बजे देखि सुरु हुने साङ्गीतिक कार्यक्रममा मेलिनासँगै स्थानीय कलाकार र समूहको प्रस्तुति रहनेछ ।
स्थानीय पर्यटन प्रवर्द्धनका लागि आयोजना गरिएको धरान एक्स्पोमा रैथाने, नेपाल, भारत, पाकिस्तान र बंग्लादेशका गरी एक सयवटा स्टल अवलोकन गर्न सकिनेछ ।