धरानः भिजन फिटनेसको आयोजनामा आयोजित अन्तर धरान उपमहानगरपालिकास्तरीय पाँचौ मि. भिजन शारीरिक सुगठन प्रतियोगिताको उपाधि आयोजक भिजन फिटनेसका रमेश फोम्बोले चुमेका छन् ।
धरान-१३ स्थित धरान वेन्क्वेट पार्टी प्यालेसमा शनिबार सम्पन्न मि. भिजन प्रतियोगिताको फाइनल चरणमा तीनजना प्रतिस्पर्धीलाई पछि पार्दै फोम्बोले उपाधि चुमेका हुन् । फोम्बो ६० तौल समूहका बिजेता बन्दै फाइनल चरणमा प्रवेश गरेका थिए । उनले उपाधिसँगै नगद ५० हजार, ट्रफी, मेडल र प्रमाणपत्र प्राप्त गरेका छन् ।
दोस्रो उपाधि एनी टाइम फिटनेसका उमेश राई घोषित भए । उनी ७५ केजी तौल समूहको बिजेता बन्दै फाइनल चरणमा प्रवेश गरेका थिए । उनले नगद २५ हजार, ट्रफी, मेडल र प्रमाणपत्र प्राप्त गरे । यस्तै, ५५ केजी तौल समूहबाट बिजेता हुँदै फाइनल चरणमा प्रवेश गरेका धरान व्यामशालाका अनुप लिम्बू तेस्रो र ६५ केजी तौल समूहको बिजेता बन्दै फाइनल चरणमा प्रवेश गरेका झुनाज फिटनेसका सागर लिम्बू चौथो भए । उनीहरुले क्रमशः जनही १५ हजार र १० हजार रुपैयाँ, ट्रफी, मेडल र प्रमाणपत्र प्राप्त गरे ।
प्रतियोगिताको व्याक्तिगत उपाधितर्फ वेस्ट पोजर उपाधि एनिटाइम फिटनेसका उमेश राई, मोस्ट इम्प्रुभमेन्ट उपाधि भिजन फिटनेसका विनोदकुमार नेपाली, वेस्ट मस्कुलर उपाधि धरान फिटनेस क्लबका सन्तोष विश्वकर्मा र वेस्ट टिम उपाधि आयोजक भिजन फिटनेसले जित्यो । उनीहरुलाई जनही नगद ५ हजार, ट्रफी र प्रमाणपत्र प्रदान गरिएको थियो । प्रतियोगितामा ५५, ६०, ६५ र ७५ केजी तौल समूहबाट १८ जना खेलाडीहरुले प्रतिस्पर्धा गरेका थिए ।
भिजन फिटनेसका अध्यक्ष केशव श्रेष्ठको सभाध्यक्षमा सम्पन्न प्रतियोगिताको विजेता तथा उपविजेता खेलाडहिरुलाई कार्यक्रमका प्रमुख अतिथी धरान उपमहानगगरपालिकाका उपमेयर अइन्द्रविक्रम बेघा, धरान १६ नं वडा अध्यक्ष मुरारी भट्टराई, १ न.वडाध्यक्ष यज्ञमनि आचार्य, १० न. वडाध्यक्ष विवेक राई, नेपाल फोटो पत्रकार महासंघ, सनुसरी अध्यक्ष विकास चाम्लिङ राई, अग्रज पत्रकार महेश श्रेष्ठलगायतले पुरस्कार वितरण गरेका थिए । प्रतियोगितामा मुख्य निर्णायकको रुपमा हरि धिमाल, कविरभगत प्रधानाङ्ग, ईश्वरलाल उदास, नवनित प्रधान र सीता राई श्रेष्ठ रहेका थिए ।
कार्यक्रममा पत्रकारितामार्फत् धरानको खेलकुद विकाशमा योगदान पुरयाएवापत नेपाल फोटो पत्रकार महासंघ सुनसरीका अध्यक्ष विकास चाम्लिङ राईलाई आयोजक भिजन फिटनसले सम्मान गरेको छ । उनलाई भिजन फिटनेसका अध्यक्ष केशव श्रेष्ठले खदा ओढाएर सम्मान पत्र प्रदान गरेका थिए ।
तस्वीरः विशाल थेवे

????????????????????????????????????

????????????????????????????????????