धरानः ललितपुरको ढोलाहिटीमा ग्याङ फाइट हुँदा दुईजनाको हत्या भएको छ ।
ललितपुर महानगरपालिका–२६ ढोलाहिटीमा गएराति दुई जनाको हत्या भएको छ । राति नौ बजेको समयमा दुई समूहबीच झडप हुँदा दुई जनाको ज्यान गएको जिल्ला प्रहरी परिसर ललितपुरका प्रवक्ता, प्रहरी उपरीक्षक नरेशराज सुवेदी जानकारी दिएका हुन् ।
मृत्यु हुनेमा धरान घर भएका रोवश राई (हालः ढोलहिटी) र पाँचथर घर भई (हाल खुमलटार) पुजन राई रहेको प्रवक्ता सुवेदीले बताए । उनीहरूको शव पाटन र सुमेरु अस्पतालमा राखिएको छ । घटनामा संलग्न भएको आशङ्कामा प्रहरीले गए राति नै १८ जनालाई नियन्त्रणमा लिएको छ ।
ग्याङ फाइट हुँदा दुई जनाको मृत्यु भइसकेपछि प्रहरीले खबर पाएको एसपी सुवेदीले बताए । घटनास्थलबाट धारिलो हतियार पनि बरामद भएको प्रवक्ता सुवेदीले बताए ।
छुरा प्रहारबाट एकजनाको तिघ्रा र एकजनाको छातीमा चोट देखिएको प्रहरीले जनाएको छ । प्रहरीले राति नै सिसिटिभी फुटेज हेरेर संलग्न व्यक्तिहरूको खोजी गरेको थियो ।
होली खेल्ने क्रममा विवाद बढ्दै जाँदा यस्तो घटना हुन पुगेको प्रहरीको अनुमान छ ।