धरानः धरान-१२ स्थित सुनाखरी एकेडेमीले छात्रा वर्षा राईलाई भुटानको राजधानी थिम्पुमा हुने ८ औं दक्षिण एशियाली कराते च्याम्पियनसीपमा भाग लिन भुटान गएकी छिन् ।
स्कुलमा एक कार्यक्रमको आयोजना गरी वर्षालाई विदाइ गरिएको थियो । स्कुलका प्रिन्सिपल मिलनकुमार राई, निर्देशक प्रदीप राई र प्लस टु कोअर्डिनेटर टपकुमार राईले अविर खदा लगाएर जितको लागि शुभकामना दिँदै वर्षालाई विदाइ गरे ।
वर्षाले ज्येष्ठ २१ गतेदेखि २३ गतेसम्म काठमाडौंमा भएको ५६ औं राष्ट्रिय कराते प्रतियोगितामा स्वर्ण पदक प्राप्त गरी भुटानमा हुने प्रतियोगिताका लागि छनोट भएकी थिइन् । आगामी जुलाई १३ देखि २० गतेसम्म दक्षिण एशियाली कराते प्रतियोगिता हुने भएको छ ।
वर्षाले सुनाखरी एकेडेमीबाटै २०८० को एसईई दिएर कक्षा–११ मा अध्ययनका लागि प्रवेश परीक्षा दिइसकेकी छिन् । करातेमा अब्वल वर्षालाई सुनाखरीले प्लस टु अध्ययनका लागि विशेष सुविधा प्रदान गर्ने प्रिन्सिपल राईले जानकारी दिए ।
प्रवेश परीक्षा सम्पन्न
यसैबीच सुनाखरी एकेडेमीले एसईई उत्तीर्ण गरी कक्षा–११ मा अध्ययन गर्नका लागि नै प्रवेश परीक्षा लिएको छ । प्रवेश परीक्षामा विद्यार्थीहरुको उत्साहजनक उपस्थिति रहेको प्रिन्सिपल राईले जानकारी दिए । ‘हामी ठीक संख्यामा विद्यार्थी राख्छौ र गुणस्तरीय शिक्षा प्रदान गछौं’, उनले भने ।