धरानः धरानमा मोटरसाइकल दुर्घटनामा एकजना युवाको मृत्यु भएको छ ।
धरान–१७ स्थित धरान–चतरा भित्री पक्की सडकअन्तर्गत सर्दु पुलनजिक युवाको मृत्यु भएको प्रहरीले जनाएको छ ।
दुर्घटनामा मोटरसाइकलमा पछाडि सवारी मोरङ लेटाङ–७ बस्ने २१ को यादव लिम्बूको उपचारका क्रममा धरानस्थित बीपी कोइराला स्वास्थ्य विज्ञान प्रतिष्ठानमा उपचारका क्रममा मृत्यु भएको प्रहरीले जनाएको छ ।
धरानबाट चतरातर्फ जाँदै गरेको प्र१–०२–०५०प ५५९० न. को (२२० सिसि) मोटरसाइकल आफै अनियन्त्रित भई सडकको छेऊको फलामको बेरामा गई ठक्कर खाइ दुर्घटनामा परेको थियो । मोटरसाइकल चालक मोरङ केराबारी गाउँपालिका–२ बस्ने २० वर्षीय सुरज लिम्बूको बायाँ खुट्टामा चोट लागेको प्रहरीले जनाएको छ ।
पछाडि सवार लिम्बूको मुखबाट रगत गइरहेको गम्भीर अवस्थामा प्रतिष्ठान भर्ना गरिएको थियो । उनको उपचारका क्रममा मृत्यु भएको प्रहरीले जनाएको छ । तीब्र गतिका कारण दुर्घटना भएको प्रहरीले जनाएको छ । दुर्घटना बिहीबार नै भएको हो ।