धरानः धरान-१२ स्थित सुनाखरी एकेडेमीका विद्यार्थीले १३ पदक जित्न सफल भएका छन् ।
झापाको काकडभिट्टामा सम्पन्न इन्डो-नेपाल कराते प्रतियोगितामाथि बर्चस्व कायम गर्न सफल आफ्ना १० जना विद्यार्थीहरूलाई सम्मान समेत गरिएको छ ।
स्कुलको प्राङ्गणमा एक कार्यक्रम गरी एकेडेमीका प्रिन्सिपल मिलनकुमार राई, निर्देशक प्रदीप राई, प्लस टु कोअर्डिनेटर टपकुमार राईले बिजेता विद्यार्थीहरुलाई अविर र खदा लगाएर सम्मान गरेका छन् ।
नेपाल सितोरियो कराते स्कुल काकडभिट्टाको आयोजनामा गत भदौ २३ र २४ गते भएको प्रतियोगितामा सुनाखरी एकेडेमीका विद्यार्थीहरुले ६ स्वर्ण, २ कास्य र ५ रजत गरी कुल १३ पदक जितेर खेलमाथि बर्चस्व कायम गरेका थिए ।
सुनाखरीका निमा डोल्मा तामाङले १ स्वर्ण र १ रजत पदक हासिल गरेकी थिइन् । यस्तै, वर्षा राईले १ स्वर्ण, सलिना योगीले १ स्वर्ण र १ कास्य, मिकसम लिम्बूले १ स्वर्ण र १ रजत, चारु राईले १ स्वर्ण पदक हासिल गरेका थिए । यसैगरी मिन्याहाङ लिम्बूले १ स्वर्ण, बविन राईले १ रजत, देमछुङ राईले १ रजत, मेडिया लिम्बूले १ रजत र सोनाम तामाङले १ कास्य पदक हासिल गरेका थिए । एउटै प्रतियोगितामा विद्यार्थीहरूले यति धेरै पदकहरु हात पार्न सफल हुँदा धेरै खुशी लागेको प्रिन्सिपल राईले बताए ।