धरानः गृहमन्त्री भएपछि धरानमा पहिलोपल्ट सुधन गुरुङ आइपुगेका छन् ।
धरान आइपुगेका उनले स्थानीयबासीहरूसँग पनि भेटघाट गरेका छन् । उनले धरानस्थित ट्राफिक प्रहरीको भवन निर्माणका लागि बजेट छुट्याइसकिएको र चाँडै बन्ने बताएका छन् ।
उनले धरानमा प्रहरी बीपी प्रतिष्ठानको जग्गामा बसिरहेकोबारेमा पनि ध्यानाकर्षण भएको बताएका छन् । उनले यसअघि धरानमा सेभ घोपा आन्दोलनमा सहयोग गर्नेहरुलाई धन्यवाद समेत दिएका थिए ।
धरानस्थित बीपी प्रतिष्ठानमा पुगेका गृहमन्त्री गुरुङलाई रास्वपा नेतृ सरिन तामाङले पाँचथरमा ५ वर्षीया बालिका बलात्कारको शिकार भएको स्मरण गराएकी थिइन् ।
गृहमन्त्री गुरुङ विराटनगर हुँदै धरान आइपुगेका हुन् । खुल्ला सीमा नाकाबाट भइरहेको अवैध कारोबारलाई नियन्त्रण गर्ने आश्वास दिएर फर्किएका उनले यो कार्य रोक्न तीन तहका सरकारले मिलेर काम गर्नुपर्ने बताएका छन् । उनले आगामी साउनदेखि गृहमन्त्रालयले केही सुधार योजना ल्याएको र त्यो कार्यान्वयन गर्न तीन तहको सरकार मिल्नुपर्ने बताए ।
उनले जिल्ला प्रशासन कार्यालय मोरङ, कोशी प्रदेश प्रहरी कार्यालय विराटनगर, सीमा नाका रानी र एकीकृत जाँच चौकी (आईसिपी), जिल्ला प्रहरी कार्यालय मोरङ, आईसिपी नजिकै रहेको विराट राजाको दरबार समेतको अनुगमन गरेका थिए ।
उनले तस्करी होस् की गुण्डागर्दी, अन्त्य चाहेको बताउँदै सुशासनका हरेक पक्षमा सकारात्मक छाप परेको हुनुपर्नेमा जोड दिएका छन् । तस्वीरः रुटिन अफ धरान बन्द