धरानः गायक–सङ्गीतकार भूवन सुप्तिहाङ राईको सङ्गीत तथा अञ्जु पन्तको स्वर रहेको गीत नमस्ते छहरा सार्वजनिक भएको छ ।
भुवनकै युट्युव च्यानलमार्फत सो गीत आएको हो । उनले धनकुटाको प्रसिद्ध नमस्ते झरनाबारे वर्णन गरिएको गीत ल्याइएको बताए । धनकुटाको पर्यटकीस्थल नमस्ते झरनाको विषयमा बनेको गीत ‘क्षितिज चुमेको छ, गुर्धुमको पहरा’ भुवनको सङ्गीत र अञ्जु पन्तको स्वर रहेको छ ।
हाल अमेरिकामा रहेका भुवन उता पनि यस्तै गीतहरू तयार पारिरहेको बताउँछन् । उनी भन्छन्, ‘पछिल्लो समय यस्तै विभिन्न ठाउँका पर्यटन गीतहरू गाउन र सङ्गीत भर्न व्यस्त बनेको छु ।’ एकदशकअघि नै भूवनले इलामका रमणीयस्थलको वर्णन गर्दै गाएको गीत चर्चित थियो । यसअघि उनले पाथिभरा मन्दिर, २०७२ को भूकम्पले ध्वस्त पारेका गाउँ बारपाकका बारेमा पनि गीत गाएका छन् ।