धरानः धरान–१५ स्थित बगरकोट लोकदोहोरी साँझ लाउन्ज एण्ड बारमा फागुन २९ गते बिहीबार फेसन शो आयोजना हुने भएको छ ।
फेशन शो २०२० को लागि १४ जना मोडलहरू अन्तिम तयारी गरिरहेका छन् । बगरकोट लोकदोहोरीको आयोजनामा हुने उक्त फेसन सोको मोडलहरुलाई क्याट वक, फोटोसुट र क्यामरा फेसिङ लगायतको विषयमा तालिम गराइएको संयोजक मौसम गुरुङले बताए । मनोजञ्जन साथै बगरकोटमा व्यवसायिक व्यापार बनोस भन्ने उद्देश्यका साथ कार्यक्रम आयोजना गरिएको गुरुङले बताए ।
यसअघि भएको अडिसनबाट छनौट भएको १४ जना मोडलहरूले फाइनलको बेला वक गर्ने कार्यक्रम निर्देशक स्नेहा गुरूङले बताइन् । अडिसनबाट धरानको अञ्जना राई, झरना राई, सिम्रन राई, अनु मगर, प्रिया लिम्बू, साइना श्रेष्ठ, मौनता तामाङ, गिता कटुवाल, क्युसा राई र हाङ्मा लिम्बू रहेकी छन । यस्तै इटहरीबाट विनिता चौधरी, तमन्ना राई र रन्जु तामाङ छन भने पथरीबाट मनिता परियार रहेकी छिन् ।
कार्यक्रमको कोरियोग्राफअर मिस लुमियर इन्टरन्यासनल वल्र्ड २०१९ मा मिस ग्लामर टाइटल विजेता सिमरन श्रेष्ठ रहेकी छिन् । कार्यक्रममा मेकअप आर्टिस्ट सुजता गुरुङको मेकअप रहनेछ भने छथरे ढाका उद्योग र सिसा बुटिकको पहिरनमा मोडलले वाक गर्नेछन् । सोमा ढाकाको साडी, गाउन र लेहेंगा, क्याजुअल र वान पिस गरी चार वटा सिक्वेन्स रहनेछ । कार्यक्रममा गरीमा डान्स सेन्टरको प्रस्तुति समेत राखिएको छ ।