तरहराः इटहरी–२० स्थित तरहरामा ग्याङफाइट हुँदा छुरा प्रहार भएको छ ।
तरहराका राजन राईको छुरा प्रहारबाट मृत्यु भएको हो । आइतबार राति साढे ९ बजे भएको घटनामा उनमाथि छुरा प्रहार भएपछि उनलाई धरानस्थित बीपी कोइराला स्वास्थ्य विज्ञान प्रतिष्ठानमा उपचारको लागि लगिएको प्रहरीले जनाएको छ । उनको उपचारका क्रममा क्रममा मृत्यु भएको प्रहरीले जनाएको छ ।
इटहरी–२० तरहराको एकता टोलमा ग्याङफाइट भएको हो । प्रहरीको प्रारम्भिक अनुसन्धान अनुसार राजन राई र प्रज्वल तामाङको समूहबीच झडप भएको हो । झडपमा तामाङ समूह पक्षबाट अभिषेक केसी, अभिशेक पौडेल तामाङले छुरा प्रहार गरेका थिए । छुरा प्रहार गरी प्रज्वल तामाङ समूह फरार रहेको छ । घटनामा संलग्न आधा दर्जन बढी संलग्न रहेको र उनीहरूको खोजी कार्य भइरहेको प्रहरीले जनाएको छ ।