विराटनगरः कानेपोखरीमा भएको सवारी दुर्घटनामा तीनजनाको मृत्यु भएको छ ।
झापाको दमकबाट इटहरीतर्फ आउँदै गरेको बा१४च ९६४३ नम्बरको स्कोरपिओले महिलालाई ठक्कर दिएको थियो । महिलालाई ठक्कर दिएपछि अनियन्त्रित भएको स्करपिओले विपरीत दिशाबाट आउँदै गरेको दुईजना सवार मोटरसाइकललाई पनि ठक्कर दिएको इलाका प्रहरी कार्यालय पथरीका डीएसपी दिलीप गिरीले बताए ।
पैदलयात्री महिलालाई ठक्कर दिएपछि अनियन्त्रित भएको स्कोरपिओले मे१०प २७५६ नम्बरको मोटरसाइकललाई ठक्कर दिँदा मोटरसाइकल चालक पाँचथरको फिदिम–२ का अन्दाजी ३८ वर्षीय गजेन्द्रबहादुर गुरुङ र पछाडि सवार झापा बाह्रदशी गाउँपालिका– ४ का ३१ वर्षीय लोकेन्द्रबहादुर लिम्बूको मृत्यु भएको हो । गुरुङको नोबेल मेडिकल कलेज र लिम्बूको उपचारका लागि ल्याउँदै गर्दा बाटोमै मृत्यु भएको थियो ।
दुर्घटनापछि स्कारपिओका चालक सुनसरीको इटहरी उपमहानगरपालिका–४ का ४५ वर्षीय महेन्द्रबहादुर थापालाई प्रहरीले नियन्त्रणमा लिएको छ ।