धरानः यातायात व्यवस्था विभागले लकडाउनको यो करिब साढे ३ लाखभन्दा बढी स्मार्ट लाइसेन्स छापेको छ ।
विभागले लकडाउनको समयको सदुपयोग गर्दै सो परिमाणमा लाइसेन्स छापेको हो । लकडाउनपछि साढे ३ लाखभन्दा बढी स्मार्ट लाइसेन्स छापिएको यातयात व्यवस्था विभागका महानिर्देशक गोगन बहादुर हमालले बताए ।
त्यस पछि आम सवारी चालकले स्मार्ट लाइसेन्स लिनको लागि लामो प्रतिक्षा गर्नु नपर्ने उनले बताए । ‘अब बाँकी लाइसेन्स छाप्ने काम सकिएपछि डाइर्भिङ ट्रयाल परीक्षा पास गरेको १ महिनामै लाइसेन्स पाउनु हुनेछ ,’ उनले थपे ।
लकडाउनको अवधिमा छापिएका स्मार्ट लाइसेन्सको वितरण सुरु गरेको विभागले जनाएको छ । विभागले लकडाउनको अवधिलाई पूर्ण रुपमा सदुपयोग गर्दै धेरै स्मार्ट लाइसेन्स छापेपछि महिनौँ कुर्नुपर्ने स्मार्ट लाइसेन्स अब भने सहजै पाउन सकिने भएको छ । विभागका महानिर्देशक गोगन हमालले जानकारी दिए । लकडाउन केही खुकुलो भएपछि हाल छपाइको काम दुई सिफ्टमा सञ्चालन गरिएको छ ।