काठमाडौंः नेपालमा सबैले लकडाउन खुलेको महसुस गरेर भीडभाड गराएको प्रति स्वास्थ्य तथा जनसंख्या मन्त्रालयले चिन्ता व्यक्त गरेको छ ।
अनावश्यक रूपमा जम्काभेट गरिरहेको दृष्यहरू देखिएको भन्दै कतै कोरोना भाइरस संक्रमणको डर हराउँदै गएको र जनजीवन सामान्य भइसकेको भन्दै महसुस हुन थालेकाले हो कि भन्ने चिन्ता बढ्न थालेको प्रवक्ता प्राडा. जागेश्वर गौतमले स्वास्थ्य मन्त्रालयको नियमित पत्रकार सम्मेलनका क्रममा बताए ।
कोरोना भाइरस (कोभिड–१९) संक्रमित लगातार बढिरहेको समय सांस्कृतिक क्रियाकलापहरू विवाह, भोज, भतेर गरेर भीडभाड बढाएको पाइएको भन्दै मन्त्रालयले चिन्ता व्यक्त गरेको हो । न्यूनतम् मापदण्डहरूका बारेमा स्वास्थ्य मन्त्रालयले बारम्बार अनुरोध गर्दै आए तापनि न्यूनतम भौतिक दूरीसमेत कायम नभएको उनले बताए ।