धरानः बीपी कोइराला स्वास्थ विज्ञान प्रतिष्ठानमा एक डाक्टरका श्रीमान र प्रतिष्ठानमा उपचार पछि डिस्चार्ज भएका एक बिरामीमा कोरोना संक्रमण देखिएको छ । सर्जरी वार्डबाट डिस्चार्ज भइसकेका एक बिरामीको पिसिआर रिपोर्ट पोजेटिभ आएको छ ।
सर्जरी युनिट १ बाट डिस्चार्ज भएका विराटनगरका एक बिरामीमा कोरानो संक्रमण पुष्टि भएको प्रतिष्ठानका प्रवक्ता डा. निदेश सापकोटाले जानकारी दिए । संक्रमित बिरामी निको भएर डिस्चार्ज भएका थिए । रिपोर्ट आएलगत्तै बिरामीको उपचारमा खटिएका डाक्टर, नर्स र नजिकका विरामीहरुको कन्ट्याक ट्रेसिङ भइरहेको उनले बताएका छन् ।
यता त्यस्तै डाक्टरका श्रीमानलाई संक्रमण पुष्टि भएको छ । संक्रमण पुष्टि भएपछि उनलाई आइसोलेसनमा लगिएको प्रतिष्ठानले जनाएको छ । ‘रिपोर्ट पोजेटिभ आएपछि आइसोलेसनमा लगिसकेका छौं,’ प्रतिष्ठानका प्रवक्ता डा.निदेश सापकोटाले भने । संक्रमित व्यक्तिकी श्रीमती प्रतिष्ठानकै डाक्टर हुन् ।