धरानः ‘जन्तरे मामा’को नामले परिचित अमित राईको पहिलो गीत ‘फूलैफूलको सौगात तिमीलाई’ सार्वजनिक भएको छ । सामाजिक सन्जालमा भाइरल भएको जन्तरे मामाको स्वरमा सजिएको सो गीत किंङ्स रेकडिङ स्टुडियोमा रेकडिङ गरिएको हो ।
गीतको म्युजिक भिडियो गोटु सेन्टर च्यानलबाट सार्वजनिक गरिएको छ । ५३ वर्षको उमेरमा रेकड गरिएको सो गीत गोपालचन्द्र राईको शब्दमा रहेको र संगित तोरेम्पा हाङगले भरेका छन् । ५३ वर्ष उमेरको भएपनि मिठो सुमधुर स्वर रहेको र गाउँरघरमा गीत गाउने गरेकाले स्टुडियोसम्म नै ल्याएर गीत रेकर्ड गराउन सहयोग गरेको गोपालचन्द्र राईले बताए । अब निरन्तर गायन क्षेत्रमा रहेर स्रोता र दर्शकमाझ नयाँ गीत ल्याउने सोचमा रहेको पनि जन्तरे मामाको सहयोगीहरूले बताएका छन् ।