धरानः द भ्वाइस अफ नेपाल सिजन दुईका टप ४ फाइनलिस्ट विकास लिम्बूको सुमधुर आवाजमा सजिएको विल्कुलै नयाँ गीत ‘पहिलो नजर’ को म्यूजिक भिडियो सार्वजनिक गरिएको छ ।
गीतकार ध्रुव के सीको शब्दभावहरुमा गायक तथा संगीतकार सुरज तामाङको संगीत रहेको गीतको भिडियो गायक विकासकै अफिसियल युट्यूब च्यानल विकास लिम्बूमार्फत् सार्वजनिक गरिएको हो ।
विकास लिम्बू र वृक्षा लिम्बूको अभिनय रहेको भिडियोलाई सुरज तामाङले निर्देशन गरेका हुन् । देवेश राईको संगीत संयोजन, मिक्सिङ तथा मास्टरिङ रहेको गीतमा विद्यार्थी जीवनको प्रेमलाई प्रस्तुत गरिएको छ । भिडियोमा रोहित लम्गादेको ।ृङगार र योगेश दहालको छायाँकन तथा सम्पादन गरेका हुन् । अर्जुनधारा झापामा छायाङ्कन गरिएको भोइस अफ नेपाल सिजन दुईका टप ४ बन्न सफल विकासको यो पहिलो अफिसियल भिडियो हो ।