चप्पल हराएपछि खाली खुट्टै हिँड्दै धरान–११ का दिलीप राई । उनकी आमा धरान–२० स्थित माछामारामा ज्याला–मजदुरीका लागि पुग्नुभएको छ । आमा भेट्न करिब १० किलोमिटरको बाटो हिँड्दै पुग्ने उनले बताए । घरमा राखिएको चप्पल चोरी भएपछि उनी यसरी खालीखुट्टै हिँड्न बाध्य भएको बताउँछन् । आमाले कमाएर ल्याएपछि चप्पल किनिदिने बाचा गर्नुभएको र आमालाई सघाउन कामतर्फ हिँडेको उनले बताए । गाउँमा मात्रै होइन सहरमै पनि गरिबीका कारण अधिकांश बालबालिका यसरी नै खाली खुट्टै हिँड्नुपर्ने बाध्यता छ । उनले स्कुल जाँदा पनि खालीखुट्टै स्कुल पुग्ने गरेको सुनाए । ‘अहिले स्कुल लागेको छैन, बुबाआमा मजदुरी गर्न जानुहुन्छ, जुत्ता–चप्पल हुँदैन तरपनि स्कुल जान्छु ।’ उनले भने ।
कक्षा–२ मा पढ्ने उनी कोरोना महामारीले स्कुल जान पाएका छैनन् । अहिले कोरोना महामारीले अधिकांश बालबालिकालाई बाबुआमालाई सघाउँदै आएका छन् । तस्वीरः हाम्रो कोशी आवाज