विराटनगरः मोरङको कानेपोखरी गाउँपालिका–५ भौसाबारीमा स्कुल बसको ठक्करबाट एकजनाको मृत्यु भएको छ ।
शुक्रबार अपराहन पौने ५ बजेको समयमा को१क ३००९ नम्बरको जगत बोर्डिङ स्कुलको बसले ब्याक गर्ने क्रममा पछाडिबाट आउँदै गरेको को८प ७३३६ नम्बरको मोटरसाइकललाई ठक्कर दिँदा मोटरसाइकल पछाडि सवार रहेकी स्थानीय ४० वर्षीया दीपा भट्टराईको घटनास्थलमा नै मृत्यु भएको जिल्ला प्रहरी कार्यालय मोरङले जनाएको छ । घटनाका सम्बन्धमा प्रहरीले थप अनुसन्धान गरिरहेको १ नम्बर प्रदेश प्रहरी कार्यालय विराटनगरका सूचना समन्वय अधिकृत प्रहरी नायव उपरीक्षक कविन्द्रकुमार कार्कीले जानकारी दिए ।
हाम्रो कोशी आवाज
