धरानः सम्यक शिक्षा आधारभूत विद्यालयमा धरान राउण्ड टेबलले चित्रकला प्रतियोगिता सम्पन्न गरेको छ ।
विद्यालयका कक्षा–५ लाई ‘राष्ट्रिय झण्डा’ विषयको चित्रकला प्रतियोगितामा सन्तोष दर्जी पहिलो, लाक्पा तामाङ दोस्रो र दोर्जे तामाङ तेस्रो भएको थियो भने कक्षा–६ लाई ‘राम्रो तथा स्वच्छ विद्यालय’ विषयक चित्रकला प्रतियोगितामा सामुएल सार्की पहिलो, देव लिम्बू दोस्रो र मनोज लिम्बू तेस्रो भए । त्यसैगरी कक्षा–७ लाई ‘सुन्दर तथा स्वच्छ गाउँ’ विषयक चित्रकला प्रतियोगितामा दृष्टि राई पहिलो, रोजी मगर दोस्रो र रोसिका तामाङ तेस्रो भएका थिए । सबै बिजेता विद्यार्थीहरुलाई मेडल र कपी हस्तान्तरण गरिएको प्रधानाध्यापक सरोज श्रेष्ठले जानकारी दिए ।
विद्यार्थीहरुलाई पढाइबाट मात्र चौतर्फी विकास नहुने भएकोले विद्यार्थीहरुको सिर्जनात्मक क्षमता के कस्तो छ त्यसको पहिचानको लागि चित्रकला प्रतियोगिताको आयोजना गरेको लक्ष्मीकान्त वियानीले जानकारी दिए । प्रत्येक शुक्रबारको दिन यस विद्यालयमा विभिन्न प्रतियोगिताको आयोजना गर्दै आएको उनले जानकारी दिए ।
सो प्रतियोगितामा धरान राउण्ड टेबलका निर्वतमान अध्यक्ष लक्ष्मीकान्त वियानी, उपाध्यक्ष कृष्ण अटल, कोषाध्यक्ष सेन्की अग्रवाल र सदस्यहरुमा सोमन्त अग्रवाल, हेमन्त अग्रवाल र सुमित अग्रवालको उपस्थित रहेको थियो ।