सुनसरीः सुनसरीमा मोटरसाइकल दुर्घटना हुँदा दुईजनाको मृत्यु भएको छ ।
दुर्घटनामा सवार बाबुछोराकै मृत्यु भएको प्रहरीले जनाएको छ । दुर्घटनामा इटहरी ८ बस्ने ५० वर्षीय नुरजंग मल्ल र मोटरसाइकलको पछाडि सवार उनका बुवा ८२ वर्षीय कुवेरबहादुर मल्लको मृत्यु भएको प्रहरीले जनाएको छ ।
इटहरी २ पीपलचोकमा प्रदेश १–०१–०४४ नम्बर को मोटरसाइकल दुर्घटना हुँदा मोटरसाइकलमा सवार बाबुछोराकै मृत्यु भएको प्रहरीले जनाएको छ । मोटरसाइकल छोराले चलाएका थिए ।
दुर्घटनामा गम्भीर घाइते भएका उनीहरुलाई उपचारको लागि धरानस्थित बीपी कोइराला स्वास्थ्य विज्ञान प्रतिष्ठानमा उपचारका लागि लगिएको थियो । उपचारकै क्रममा उनीहरुको मृत्यु भएको हो । तीब्र गतिका कारण दुर्घटना भएको पूर्व क्षेत्रीय ट्राफिक प्रहरी कार्यालय इटहरीले जनाएको छ ।