धरानः ‘गर्मी भयो धरान’ बोलको गीतसहितको भिडिओ सार्वजनिक हुने तयारीमा रहेको छ ।
भूमिषा प्रोडक्सनले सो भिडियो निर्माण गरेको हो । प्रोडक्सनका ज्योतिराज राईका अनुसार भिडियो छिट्टै नै सार्वजनिक हुने तयारीमा छ ।
गीतकार अमर वान्तुको नयाँ गीत ‘गर्मी भयो धरान’ आउने भएको हो । केही समय अघि मात्र धरानमा छायांकन भएको सो गीतमा पल शाहसँगै, सहारा राईसँगै सृष्टि राईको पनि अभिनय रहेको छ ।
गीतकार वान्तुको शब्दमा रहेको गीतमा गायिका मेलिना राई र गायक सत्यराज आचार्यको आवाजमा रहेको छ । यस्तै, संगीत दिनेश बान्तवाको रहेको छ ।
भूमिषा प्रोडक्सनले निर्माण गरेको भिडियोमा जनकदीप पराजुलीको निर्देशन रहेको छ । सागर प्रधानले छायांकन गरेको भिडियोमा मनिता राईको कोरियोग्राफी रहेको छ । भिडियोलाई ध्रुवराज पराजुलीले सम्पादनको जिम्मा लिएका छन् । पल, सहारा र शशी लोहोरुङ फिचर्ड छन् ।
कवि तथा गीतकार अमर वान्तुका दर्जनौं गीतहरु बजारमा सार्वजनिक भइसकेका छन् । उनले लेखेका गीतहरु सिल्की कपाल, हृदयको आवाज, फूलजस्तै, तिम्रो शहर, हरहर महादेव, जीवनको दौडमा लगायतका गीतहरु बजारमा उपलब्ध छन् । उनको अमर भावना भाग १ र २ गीतिसंग्रह पनि बजारमा आइसकेको छ । कविता लेखनमा पनि अब्बल श्रेणीमा स्थापित गरिसकेका गीतकार तथा कवित अमर पछिल्लो समयमा गीत लेखनमा सक्रिय रहेका छन् ।