धरानः धरान–१६ स्थित युएन कलेजकी छात्रा अप्सरा खत्री वक्तृत्वकला प्रतियोगितामा प्रथम बनेकी छिन् ।
रोट्रयाक्ट क्लब अफ धरानले आयोजना गरेको प्रतियोगितामा उनी प्रथम बनेकी हुन् । प्रतियोगितामा धरान–८ स्थित ल्याबोरेटरी माविकी सुस्मिता कार्की द्वितीय बनिन् । यस्तै, धरान–९ स्थित समिट माविका आशिष विश्वकर्मा तृतीय बने ।
कक्षा–९ देखि कक्षा–१२ सम्मका २५ जना विद्यार्थीले प्रतियोगितामा भाग लिएका थिए । धरान–१० स्थित महेन्द्र बहुमुखी क्याम्पस धरानकी उपप्राध्यापक सीता अधिकारी थापा मुख्य निर्णायक र हेमन राई, धरान-१७ स्थित सेन्ट जोसेफका शिक्षक विष्णुकुमार राई पब्लिक स्पिकिङका कोच हेमन राई निर्णायक रहहेका थिए ।
क्लबकी अध्यक्ष रेश्मा शाक्यले ‘महिला सशक्तीकरण देश विकासको आधार’ शीर्षकमा प्रतियोगिता आयोजना गरिएको बताइन् । प्रतियोगिताका विजेतालाई ट्रफी र प्रमाणपत्र प्रदान गरिएको थियो ।