बिर्तामोडः झापाको झिलझिलेमा दुर्घटना हुँदा एकजनाको मृत्यु भएको छ ।
मोटरसाइकल आफै अनियन्त्रित भई दुर्घटना हुँदा चालक सोही ठाउँका वर्ष ४६ को किशोर कार्कीको मृत्यु भएको हो ।
शिवसताषी–१ ढुंगेल चोकस्थित भित्री सडक खण्डमा उत्तरबाट दक्षिणतर्फ जाँदै गरेको मे१०प ३५६९ नं. को मोटरसाइकल आफै अनियन्त्रित भई दुर्घटना भएको थियो । टाउकोमा चोट लागेर गम्भीर घाइते बनेका कार्कीको उपचारका क्रममा मृत्यु भएको हो । उनको बिएण्डसी अस्पतालमा बिहीबार राति २ः१५ बजे मृत्यु भएको प्रहरीले जनाएको छ ।
तीब्र गतिमा चलाइएको कारण मोटरसाइकल अनियन्त्रित भई दुर्घटना भएको जिल्ला प्रहरी कार्यालय झापाले जनाएको छ ।
हाम्रो कोशी आवाज
