धरानः लायन्स फुड बैंक इटहरीले धनकुटाका आगलागीपीडितलाई राहत वितरण गरेको छ ।
केहीदिनअघि धनकुटा नगरपालिका-६ स्थित हाँडीखर्क सामुदायिक वनमा भीषण डढेलो लाग्दा धेरै घर परिवार घरबारविहीन बनेका थिए ।
धनकुटाको विभिन्न ठाउँका ६ घर परिवारलाई राहत वितरण गरिएको लायन्स सदस्य चिन्तामणि सापकोटाले जानकारी दिए । प्रत्येक घर परिवारलाई प्रति परिवार ५० केजी चामल, दुई केजी दाल, नुन, न्युटेलालगायतका खाद्यान्न वितरण गरिएको उनले जानकारी दिए ।
अध्यक्ष भविन खड्काको नेतृत्वमा अन्य सदस्यको पनि उपस्थिति रहेको थियो । नेपाली कांग्रेसका जिल्ला कोषाध्यक्ष दिनेश राईको समन्वयमा सो खाद्यान्न वितरण गरिएको हो ।
हाम्रो कोशी आवाज
