धनकुटाः धरान आउँदै गरेको जीप धनकुटामा दुर्घटना हुँदा जीपमा सवार पाँचजना घाइते भएका छन् ।
हिलेबाट धरानतर्फ आउँदै गरेको को१ज २४०६ नं को बोलेरो धनकुटा–६ स्थित दीपाचोकमा दुुर्घटना हुँदा यात्रु घाइते भएको जिल्ला प्रहरी कार्यलय धनकुटाले जनाएको छ ।
उनीहरुलाई उपचारका लागि जिल्ला अस्पताल धनकुटा पठाइएको धनकुटाका प्रहरी प्रमुख गोविन्द अधिकारीले जानकारी दिए । दुर्घटनामा छथर जोरपाटी गाउँपालिका ३ का ३३ वर्षीय चालक कुमार लिम्बू, ४५ वर्षीय मनकुमारी लिम्बू , २२ वर्षीय रिङ्की लिम्बू, छथर जोपाटी गाउँपालिकाकै वडा नम्बर ४ का ४४ वर्षीय हिमकुमार भट्टराई र २७ वर्षीय सुन्दर लिम्बू घाइते भएको प्रहरीले जनाएको छ ।
घाइते चालक कुमार लिम्बूलाई धरानस्थित बीपी प्रतिष्ठान पठाइएको र बाँकी चारजनाको जिल्ला अस्पताल धनकुटामा उपचार भइरहेको प्रहरीले जनाएको छ । घाइतेहरुको हात र टाउकोमा चोट लागेको उनले जानकारी दिए ।