धरानः शहरी जीवन स्वास्थ्यका लागि समेत फुटसल धेरैको रोजाइमा पर्न थालेको छ ।
फुटसलले खेलाडीमा खेलको स्किल बढाउँदछ । शारीरिक व्यायमको रुपमा समेत फुटसलको प्रयोग गर्न थालिएको छ । फुटसलले फुटबल सम्बन्धी ज्ञान बढ्छ । खेलाडीमा निखारता थप्छ ।
यसै क्रममा धरान–१६ स्थित युएन, नवोदय कलेजका विद्यार्थीबीच आयोजित फुटसल प्रतियोगिता सम्पन्न भएको छ ।
प्रतियोगितामा बिबिएस प्रथम वर्षका विद्यार्थीले विजेता बनेका छन् । कक्षा–११ का विद्यार्थीले फस्ट रनरअप बने । बिबिएसका छात्रले ५–३ गोल अन्तरले कक्षा–११ का छात्रलाई हराउन सफल बनेका थिए । कार्यक्रममा उनीहरुलाई रनिङ शिल्ड वितरण गरिएको थियो । कलेजका प्रमुख डम्बरकुमार तुम्बापो, होटल म्यानेजमेण्ट कोअर्डिनेटर गगन श्रेष्ठ, म्यानजमेण्ट कोअर्डिनेटर सुमन बाँस्कोटा, विष्णु दाहाललगायतले उनीहरुलाई अविर लगाउँदै शिल्ड प्रदान गरेका थिए ।
विद्यार्थीको १३ टोली सहभागी भएको प्रतियोगितामा बिबिएस प्रथम र कक्षा–११ का विद्यार्थी फाइनलमा पुगेको कलेजका प्रमुख तुम्बापोले जानकारी दिए । विद्यार्थीलाई अतिरिक्त क्रियाकलापमा सहभागी गराउने उद्देश्यले प्रतियोगिताको आयोजना गरिएको उनले जानकारी दिए ।
यसअघि शिक्षक र विद्यार्थी, शिक्षक र कर्मचारीबीच पनि मैत्रीपूर्ण खेल भएको थियो । तस्वीरहरुः हाम्रो कोशी आवाज