तेह्रथुमः तेह्रथुम–७ लाप्छायाङ टोलस्थितमा जीप अनियन्त्रित भई भीरबाट खस्दा चालकको मृत्यु भएको छ ।
गत राति साढे ९ बजे म्याङलुङदेखि मोराहाङतर्फ जाँदै गरेको को१ज ३४०९ को जीप आफै अनियन्त्रित भई सडकबाट अन्दाजी ३०० मिटर तल खसेको थियो ।
सो दुर्घटनामा परी जीप चालक तेह्रथुम मेन्छयायेम गाउँपालिकाका ५ का ४६ वर्षीय कृष्ण खापुङ गम्भीर घाइते भएका थिए । घाइते खापुङको जिल्ला अस्पताल तेह्रथुममा उपचारको क्रममा राति सवा १० बजे मृत्यु भएको जिल्ला प्रहरी कार्यालय तेह्रथुमले जनाएको छ । जीपमा अन्य सवार कोही नभएको १ नम्बर प्रदेश प्रहरी कार्यालय विराटनगरका सूचना समन्वय अधिकृत प्रहरी उपरीक्षक महेन्द्रकुमार श्रेष्ठले जानकारी दिए ।
हाम्रो कोशी आवाज
