गर्मी मौसममा काँक्रो सबैको घरघरमा पुगेकै हुन्छ । काँक्रोको सेवनले हाम्रो स्वास्थ्यलाई धेरै फाइदा गर्छ । यसमा भिटामिन ए, बी वान, बी सिक्स, सी, डी, पोटासियम, फस्फोरस , आइरन आदि प्रशस्त मात्रामा पाइन्छ ।
यसले शरिरमा पानीको मात्रा कम हुने समस्याबाट टाढा राख्छ । किनकी यसमा ९६ प्रतिशत त पानी मात्र हुन्छ । यसमा ‘इरेप्सिन’ नामक एम्जाइम हुन्छ जुन प्रोटिनले पचाउन सहयोग गर्छ ।
काँक्रोको नियमित सेवन गरिरहेमा महिलामा महिनावारी हुँदा देखिने बिभिन्न समस्याबाट छुटकारा पाउन सकिन्छ । यसको सेवन मधुमेह र उच्चरक्तचाप भएका ब्यक्तिहरुलाई निकै फाएदा गर्छ । यसले उच्चरक्तचाप नियन्त्रण गर्न सहयोग पुर्याउछ ।
काँक्रोको सेवनले शितलता प्रदान पनि गर्छ । त्यस्तै यसको सेवनले क्यान्सरको खतरा हुनबाट जोगाउछ । यसको सेवनले तौल पनि घट्छ । काँक्रोको नियमित सेवनले कपाल र त्वजालाई सुन्दर बनाउनुको साथै स्वस्थ पनि बनाउछ ।
यसमा हुने फाइबरले खाना पचाउन सहयोग गर्छ । आँखा पोल्ने समस्या छ भने पनि काँक्रोलाई पिसपिस गरेर काटेर आँखाको ढकनीलाई छोपेर राख्यो भने ठिक हुन्छ ।

शक्ति दिन्छ
काँक्रो खाँदा शरीरमा शक्ति प्राप्त हुन्छ । काँक्रोले कोलेस्ट्रेलको स्तरलाई कम गर्छ । यसले गर्दा हृदय सम्बन्धी रोगबाट पनि बच्न सकिन्छ ।
तौल घटाउँछ
तौल घटाउनको लागि सबैभन्दा जरुरी हुन्छ क्यालोरीलाई घटाउन, जसको लागि काँक्रो उपयुक्त हुन्छ । काँक्रोमा क्यालोरीको मात्रा शुन्य हुन्छ । काँक्रालाई हामीले सिधै काटेर वा सलादको रुपमा दैनिक खान सक्छौं ।
कोलेस्ट्रोललाई नियन्त्रण गर्छ
काँक्रामा कोलेस्ट्रोलको मात्रा हुँदैन । यसमा भएको स्ट्रेरोल तत्वले कोलेस्ट्रोललाई कम गर्न मद्दत गर्छ । मुटुका बिरामीले दैनिक रुपमा काँक्रा खानु फाइदा हुन्छ ।
पाचन शक्ति बलियो बनाउँछ
काँक्रोमा फाइबर अत्यधिक पाइन्छ । यसले कब्जियतबाट मुक्ति दिन्छ । यसका साथै पेटसँग सम्बन्धीत अन्य रोगलाई पनि न्युनिकरण गर्छ ।
पथ्थरी हुनबाट बचाउँछ
दैनिक खानासँगै काँक्रो खानाले पथ्थरी हुनबाट बचिन्छ । यसले पित्तथैली र मिर्गौलामा हुने पथ्थरीबाट बचाउँछ । काँक्रोको रसलाई दैनिक २/३ पटक पिउनु राम्रो मानिन्छ ।
क्यान्सरबाट जोगाउँछ
दैनिक काँक्रो खानाले क्यान्सर हुने जोखिम कम हुन्छ । काँक्रोमा भएको तत्वहरुले सबै प्रकारका क्यान्सरको जोखिमलाई रोकथाम गर्छ ।
उच्च रक्तचापलाई नियन्त्रण गर्छ
उच्चरक्तचापबाट बच्नको लागि काँक्रा खानु राम्रो हो । यसमा भएका पानीको मात्राले शरीरलाई चिसो बनाइ राख्छ ।
महिनावारीकाे पीडा कम गर्छ
महिनावारीको समयमा अत्यधिक पीडा हुनेले दहीमा काँक्रालाई मिसाई त्यसमा पुदिना, नुन, कालो मरिच, जिरा र हिङ हालेर खाँदा पीडाबाट मुक्ति मिल्छ ।
छालालाई चम्किलो बनाइ राख्छ
काँक्रालाई खानुका साथै यसको रसलाई अनुहारमा लगाउँदा स्किन समस्याबाट बचाइराख्छ । छालालाई ताजा र चम्किलो बनाइराख्छ । -एजेन्सी