धरानः जनता समाजवादी पार्टीनिकट विद्यार्थी संगठन समाजवादी विद्यार्थी युनियन महेन्द्र क्याम्पस धरानको दोस्रो सम्मेलनले युवराज राई अलौकिकलाई इकाई अध्यक्षमा चयन गरेको छ ।
शनिबार महेन्द्र बहुमुखी क्याम्पसको सभाहलमा भएको दोस्रो सम्मेलनको प्रमुख अतिथी समाजवादी विद्यार्थी युनियन केन्द्रीय उपाध्यक्ष सुबास लाबुङको प्रमुख आतिथ्य सम्पन्न भएको हो । सम्मेलनको विशेष अतिथिमा केन्द्रिय उपाध्यक्ष सन्जय राई केन्द्रीय उपमहासचिव दिनेश दंगाल जनता समाजवादी पार्टी धरान उपमहानगर समिति अध्यक्ष ताजुप लिम्बू, विद्यार्थी इञ्चार्ज सुमन राईलगायतको उपस्थिति थिए ।
दोस्रो सम्मेलनले उपाध्यक्षहरुमा रितादेवी राई, विशाल लावती गोमा कुलुङ र विजय राईलाई चौहान गरिएको छ । त्यसैगरी सचिव अस्निता लिम्बू, सहसचिवहरु सन्तोषकुमार राउत, सबिरसिं याक्सो, सुप्रिया राई, लक्ष्मी राई रहेका छन् । र कोषाध्यक्षमा ॐकुमार लिम्बूलाई चयन गरिएको नवनिर्वाचित अध्यक्ष युवराजले जानकारी दिए । शनिबार सम्पन्न सम्मेलनले ७५ जना इकाई समिति गठन गरिएको बताए । पहिलो सम्मेलनले उदीप लाओतीको अध्यतामा इकाई कमिटी गठन गरेका थिए । लाओतीको कार्यकाल सकिएपछि दोस्रो सम्मेलनले नयाँ इकाई समिति चयन गरिएको हो ।