रुघा जुनसुकै मौसममा जोकोहीलाई लाग्न सक्छ। तर, शरीरमा इम्युनिटी पावर राम्रो भयो भने रोगलाई सहजै परास्त गर्न सकिन्छ।
यतिवेला कोरोना महामारी विश्वभर फैलिएको छ। यस्तो अवस्थामा पनि इम्युनिटी पावर बढी हुनु आवश्यक छ।
शरीरमा इम्युनिटी बढाउन खाने कुरामा विशेष ध्यान दिनुपर्छ। नेपालमा चिसो दिनहुँ बढ्दो छ। यस्तो अवस्थामा रुघा लाग्ने सम्भावना बढी हुन्छ।
त्यसैले इम्युनिटी पावर बढाउन फलफूलको सेवनमा विशेष ध्यान दिनु आवस्यक छ। रुघाबाट जोगिन र इम्युनिटी पावर बढाउन यी पाँच फलफूलको सेवन लाभदायक हुन सक्छ।

के खाने ?
फ्लु र चिसो भएको अवस्थामा हाम्रो शरीरबाट विभिन्न माध्यमले फ्ल्विडको अवस्था कमजोर भइरहेको हुन्छ । त्यसैले, पानी तथा झोलिलो पदार्थ प्रशस्त मात्रामा सेवन गर्न जरुरी हुन्छ । तर, कहिल्यै पनि चिसो पानी र झोलिलो पदार्थको भने प्रयोग गर्नु हुँदैन ।
यस्तो अवस्थामा बाफ लिँदा पनि समस्याबाट चाँडै छुटकारा पाउन सकिन्छ ।
चियाको मात्रा घटाउनुपर्ने हुन्छ । हर्बल–टी पिउँदा भने फाइदाजनक नै हुन्छ ।
यस्तो समस्याबाट छोटो समयमै मुक्त हुन तातो पानीमा मह राखेर पनि खान सकिन्छ ।
अदुवापानीको प्रयोग पनि उत्तम मानिन्छ ।
यस्तो अवस्थामा दूध तथा दूधजन्य पदार्थको सेवन बढाउन जरुरी हुन्छ ।
यदि तपाईं फ्लुबाट ग्रसित हुनुहुन्छ भने फलफूल र तरकारीको प्रयोग गर्न पनि छुटाउनु हुँदैन ।
यस्तो अवस्थामा ठोस पदार्थको अत्यधिक सेवनले समस्यालाई लम्ब्याउन सक्छ । त्यसैले नरम तथा निल्न सजिलो हुने खानेकुराको प्रयोगमा जोड दिनुपर्ने हुन्छ ।
भिटामिन सीयुक्त खाना तथा फलफूलको प्रयोग बढाउनुपर्छ । सुन्तला, कागती, अम्बा, काउली, टमाटर, हरियो सागपात, बदाम, अन्डा आदिको प्रयोगले रुघाखोकी छोटो समयमै निको हुन सहयोग पु-याउँछ ।
खान नहुने
चिया, कफी
कोला, मदिरा
चिनियुक्त खाद्यपदार्थ यस्तो पदार्थको सेवनले ब्याक्टेरियासँग लड्ने क्षमतामा कमी ल्याउँछ ।
यसो गरौँ
यस्तो अवस्थामा शरीरलाई आरामको आवश्यकता पर्छ । शरीरलाई चिसोबाट बचाउँदै न्यानो राख्नुपर्छ ।
नुनपानीले कुल्ला गर्दा पनि समस्या थप बल्झन पाउँदैन । विशेषगरी घाँटीको संक्रमणमा कुल्ला गर्न अनिवार्य हुन्छ ।
नाक बन्द भएको अवस्थामा मनतातो नुनपानीले नियमित सफा गर्नुपर्छ ।
कहिलेकाहीँ सामान्य रुघा तथा फ्लुले जटिल रूप लिन पनि सक्छ । त्यसैले यस्तो समस्यामा हेलचेक्र्याइँ नगरी चिकित्सककहाँ जान जरुरी हुन्छ ।
अम्बा
अम्बा स्वास्थ्यका लागि निकै लाभदायक फल हो। यसले स्वास्थ्यमा थुप्रै फाइदा पु-याइरहेको हुन्छ। यसमा हुने औषधीय गुणका कारण यसलाई ‘अमृत फल’ पनि भनिन्छ।
अम्बामा भिटामिन सी र एन्टिअक्सिडेन्ट प्रसस्त मात्रामा पाइन्छ। जसले रोग प्रतिरोधात्मक क्षेमता वृद्धि गर्छ। र, विभिन्न रोगको संक्रमण हुनबाट जोगाउँछ।
अम्बामा प्रसस्त मात्रामा फाइबर पनि पाइन्छ। जसले ब्लड सुगर र मुटुका लागि फाइदा पु-याउँछ।
नासपाती
अम्बा जस्तै नासपाती पनि स्वास्थ्यका लागि दाभदायक फल हो। यसमा पनि भिटामिन सी र एन्टिअक्सिडेन्ट भरपुर मात्रामा पाइन्छ। जसले इम्युनिटी बढाउन सहयोग गर्छ।
नासपातीलाई सामान्य रुघा लाग्दा, फ्लु वा अन्य केही हल्का बिरामी भएमा खान सल्लाह दिनेगरिन्छ। यसको सेवनले मुटु रोगबाट पनि जोगिन सकिन्छ।
सुन्तला
सुन्तला पोषक तत्वले भरपुर फल हो। त्यसैले रुघा लाग्दा विशेषज्ञले सुन्तलाको सेवनका लागि सुझाव दिइरहेका हुन्छन्।
सुन्तला भिटामिन सीले भरपुर हुन्छ। जसले इम्युनिटी पावर बढाउन सहयोग गरिरहेको हुन्छ। सधै सुन्तलाको जुस पिउनु पनि स्वास्यका लागि निकै लाभदायक हुन सक्छ।
मौसमी
मौसमीले पनि इम्युनिटी पावर बढाउँछ। किनकि यो पनि भिटामिन सी र एन्टिअक्सिडेन्टले भरपुर हुन्छ।
यसको नियमित सेवनले रुघा र जोरोको समस्याबाट जोगिन सकिन्छ। यस्तै ब्याक्टेरिया र भाइरससँग लड्न पनि यसको सेवन लाभदायक हुन सक्छ।
आरुबखडा
आरुबखडामा भरपुर मात्रामा पोषक तत्व पाइन्छ। यसमा भिटामिन ए, सी, के र फाइबर हुन्छ।
यसका अलावा यसमा एन्डिअक्सिडेन्ट पनि हुन्छ। जसले गर्दा यसको सेवनले शरीरमा इम्युनिटी पावर बढ्न जान्छ। र, रोगसँग लड्न मदत्‌गार हुन्छ। आरुबखडा खाँदा शरीरमा शक्ति पनि पैदा हुन्छ। तर, कुनै पनि चिजको सेवनभन्दा पहिले चिकित्सकको सल्लाह भने आवश्यक हुन्छ। -एजेन्सी