धरानः सिन्धुली जिल्लाको गोलन्जोर गाउँपालिका–४ निवासी १७ वर्षीय डोरबहादुर खपाङ्गी विश्वकै सबैभन्दा होचो व्यक्ति भएको दाबी गरिएको छ ।जिल्ला प्रशासन कार्यालय सिन्धुुलीका अनुसार डोरबहादुरलाई नागरिकता प्रमाणपत्र दिने क्रममा उचाइ ७१ सेन्टिमिटर र तौल १३ केजी पाइएपछि विश्वकै सबैभन्दा होचो व्यक्ति भएको दाबी गरिएको हो ।
डोरबहादुरलाई कार्यालयले बुधबार वंशजको नागरिकता प्रदान गरेको छ । उनको नागरिकता प्रमाणपत्रमा जन्म मिति वि.सं. २०६१ कात्तिक २९ गते उल्लेख छ । दाजुको सनाखत, वडाध्यक्षको सिफारिस र उमेर खुलाइएको मेडिकल रिपोर्टका आधारमा डोरबहादुरलाई नागरिकता प्रमाणपत्र जारी गरिएको कार्यालयले जनाएको छ ।
हाम्रो कोशी आवाज
