धरान: धरान रङ्गशालामा जारी धरान एक्स्पोमा आज चर्चित गायिका आस्था राउतले साङ्गीतिक प्रस्तुति दिने भएकी छिन् ।
साँझ ६ बजेबाट गायिका राउतको प्रस्तुति सुरु हुने एक्स्पोका संयोजक गोपाल श्रेष्ठले जानकारी दिए ।
गायिका राउतको ‘माया यो माया’, ‘वारी सिकारी पारी सिकारी’, ‘चौबन्दीमा पटुकी’ लगायतका गीत चर्चित छन् ।
फागुन ११ बाट सुरु भएको एक्स्पोमा राजेशपायल राई, छेवाङ लामा र समिर श्रेष्ठले आ–आफ्नो प्रस्तुति दिइसकेका छन् ।
संयोजक श्रेष्ठका अनुसार गायिका राउतबाहेक स्थानिय कलाकार र समूहले मनोरञ्जनात्मक र साङ्गीतिक प्रस्तुति प्रस्तुत गर्नेछन् ।
फागुन २० गतेसम्म सञ्चालन हुने एक्स्पोमा दिउँसो तीन बजेसम्म निःशुल्क प्रवेशको व्यवस्था गरिएको छ ।
दिउँसो तीनदेखि पाँच बजेसम्म टिकट दर ५० रुपैयाँ राखिएको एक्स्पोमा साँझ पाँच बजेपश्चात्त दुई सय रुपैयाँका दरले टिकट मुल्य निर्धारण गरिएको छ ।
सुनसरीको व्यवसायीक प्रवद्र्धन गर्ने मुख्य उद्देश्यसहित सुनसरी उद्योग वाणिज्य संघको आयोजनामा सञ्चालन भइरहेको दश दिने एक्स्पोमा तीन लाख बढी मानिसले अवलोकन गर्ने र १० करोड बढीको कारोबार हुने अनुमान गरिएको छ ।