धरानः प्रवासमा रहेर पनि नेपाली गीत संगीतको सिर्जनामा क्रियाशील गीतकार रोज लामा योञ्जनको शब्दमा रहेको आधुनिक गीत ‘जिन्दगी तिमी हौ’ गीतको म्युजिक भिडियो सार्वजनिक भएको छ ।
सार्वजनिक गीतमा गायक सुनिल राई र गायिका लिला राईले स्वर दिएका छन् । रोज लामा योञ्जनको शब्दमा सार्वजनिक सो गीतको भिडियो सुनिल राईको संगीतमा तयार पारिएको हो । पूर्वेली लोकलयमा आधारित सो गीतमा मायाका सुनौला पलहरूलाई समेटिएको छ ।
गीतमा माया गर्ने मायालुलाई आफ्नो साथमा राख्नका लागि निकै प्रयत्न गरिएको छ । मौलिक भावमा प्रेमलाई आकर्षक ढङ्गमा समेटिएको छ । ज्ञानु राईले गीतमा छायाङ्कन, सम्पादन र निर्देशन गरेका छन् ।
हाम्रो कोशी आवाज
