काठमाडौंः नेपालमा कोरोना संक्रमितहरुको संख्या २,०९९ पुगेको छ । मङ्गलबार थपिएका २८८ सँगै संख्या २ हजार ९९ पुगेको छ । तीमध्ये पुरुष एक हजार ९४९ र महिला १५० छन् ।
सरकारी आँकडाअनुसार यो उमेर समूहका एक हजार २ सय ७४ जना संक्रमित छन् । त्यसमा पनि २० देखि ३० उमेर समूहकाको संख्या ८ सय रहेको छ । १० वर्षसम्म उमेरका ५५ र ११ देखि २० वर्ष उमेरका चार सय ८६ जना संक्रमित छन् ।
४१ देखि ५० वर्ष उमेरका एक सय ९१, ५१ देखि ६० वर्ष उमेरका ६३ जना, ६१ देखि ७० उमेर समूहका २३ जना, ७१ देखि ८० उमेर समूहका ६ जना र ८१ वर्षभन्दा माथीको उमेरका एक जना संक्रमित रहेको स्वास्थ्य मन्त्रालयले जनाएको छ ।
सरकारको पछिल्लो तथ्यांकअनुसार नेपालमा कोरोना भाइरस संक्रमितको संख्या २ हजार नाघेको छ । २ हजार ९९ जना संक्रमित भएकामध्ये २ सय ६६ जना निको भएका छन् भने ८ जनाको मृत्यु भएको छ । एक हजार ८ सय २५ जना संक्रमित उपचाररत छन् । मंगलबार मात्र नेपालमा कोरोनाका नयाँ संक्रमित २ सय ८८ जना थपिएका छन् ।
लगातार दोस्रो दिन २ सयभन्दा बढी संक्रमित थपिएका हुन् । भाइरसको सबैभन्दा बढी प्रभाव देखिएको युरोप र अमेरिकामा ६० वर्षभन्दा बढी उमेरका मानिसहरु जोखिममा रहेको पाइएपनि नेपालमा भने २० देखि ४० वर्ष उमेरबीका मानिसहरु बढी प्रभावित देखिएका छन् ।