धरानः लायन्स क्लब अफ दन्तकाली धरान र लियो क्लब दन्तकालीले धरानका बालबालिकालाई खाना खुवाएको छ ।
दुई संस्थाको संयुक्त आयोजनामा धरानस्थित सरस्वती बाल आश्रमका बालबालिकालाई खाना खुवाइएको हो । आश्रममा आश्रित बालबालिका यस्तै खाना खुवाउने लगायत अन्य दातामा आश्रित छन् ।
बेलुका खाना खुवाउने कार्यक्रम राखिएको क्लबका महासचिव इन्द्रबहादुर कार्कीले जानकारी दिए । कार्यक्रममा लायन्स क्लबकी रुकमिनी मास्के, लियो क्लबका अध्यक्ष सुगम शाक्य, पुर्व अध्यक्ष मिना पुलामी, चित्रकुमार राई, जोन चेयर पर्सन निरज गुरुङ, टंककुमारी गुरुङलगायतको उपस्थितिमा कार्यक्रम भएको हो । यसअघि संस्थाले माथिल्लो पानमारामा धान रोपाइँ कार्यक्रम पनि आयोजना गरेको थियो ।
हाम्रो कोशी आवाज
