काठमाडौंः गृह मन्त्रालयले मास्क नलगाउनेविरुद्ध कडा कदम लिन भनेर निर्देशन दिएको छ ।
मातहतका निकायलाई निर्देशन दिइसकेको मन्त्रालयले जनाएको छ । कोरोना भाइरस संक्रमणको दर बढिरहेका बेला मास्कको प्रयोग घटेको भन्दै कडा रुपमा प्रस्तुत हुन गृहले आइतबार मातहतका निकायलाई निर्देशन दिएको हो ।
गृहले ७७ वटै जिल्ला प्रशासन कार्यालय र नेपाल प्रहरीलाई निर्देशनात्मक परिपत्र जारी गरेको छ । जसमा मास्क प्रयोग नगर्नेविरुद्ध कडा रुपमा प्रस्तुत हुन भनिएको छ । पछिल्लो समय जनस्तरबाट लापरबाही बढेकाले जोखिम बढ्न सक्ने उल्लेख गर्दै यो परिपत्र जारी गरिएको अधिकारीको भनाइ छ ।
हाम्रो कोशी आवाज
