धरानः अन्ततः धरानमा सातदिनको लकडाउन गरिने भएको छ ।
बुधबार बिहान बसेको कार्यपालिकाको बैठकले सो निर्णय गरेको हो । ‘आज बसेको कार्यपालिका बैठकले आज मध्यराति १२ बजेदेखि लकडाउन शुरु गर्ने निर्णय गरेको छ ।’ वडा नं. ९ का वडाध्यक्ष रत्न कटुवालले भने, ‘औषधि पसलबाहेक सबै बन्द रहनेछन् ।’
लकडाउन अवधिमा औषधी पसलबाहेक सबै पसल, व्यवसाय तथा सवारी साधनहरू धरानमा बन्द रहनेछन् । धरानमा कोरोना संक्रमितको ग्राफ बढ्दो छ । ग्राफ बढ्दै गएपछि समुदायमा पनि कोरोना संक्रमण भएको हो कि भन्ने आशंका समेत गरिएको छ । ‘संख्या बढेपछि यस्तो निर्णय गरिएको हो’, उनले भने, ‘अवस्था कस्तो हुन्छ, साता दिन हेरेर फेरि अर्को निर्णय हुन्छ ।’
हाम्रो कोशी आवाज
