धरानः धरानमा एकजना कोरोना संक्रमित थपिएका छन् ।
धरान उपमहानगरपालिकाका स्वास्थ्य महाशाखाका प्रमुख उमेश मेहताका अनुसार बिहीबार एकजना संक्रमित थपिएका हुन् । उनी धरान–९ को जनप्रतिनिधि रहेको खुलेको उनले जानकारी दिए । उनमा ज्वरो आएपछि स्वाब लिइएको उनले जानकारी दिए । धरान–१५ ठेगाना लेखिएका धरान–९ को जनप्रतिनिधि तर १६ मा बसोबास गर्ने रहेको उनले जानकारी दिए ।
उनी २४ वर्षीया महिला हुन् । योसँगै धरानमा कोरोना संक्रमितको संख्या ६२ जना पुगेको छ । योसँगै धरानमा ‘ट्राभल हिस्ट्री’ नभएका संक्रमितको संख्या २७ जना पुगेको छ । अन्य संक्रमित ‘ट्राभल हिस्ट्री’ भएका हुन् । उनीहरू भारत तथा तेस्रो मुलुकबाट आएका हुन् ।
६२ जनामध्ये ४० अहिले निको भएर घर फिरेका छन् । २२ जना अहिले उपचाररत रहेको उनले जानकारी दिए ।