धरानः सुनसरीको बराहक्षेत्र नगरपालिकाको वडा नम्बर २ पटनाली खोलाको पुलमा एक पुरुषको शव फेला परेको छ ।
कालो रंगको टि–सर्ट र खैरो रंगको हाफपेन्ट र रातो रंगको चप्पल लगाएको करिब ४० वर्ष उमेरको जस्तो देखिने ती पुरुषको शव आज (सोमबार) बिहान ५ बजे भेटिएको इलाका प्रहरी कार्यालय चक्रघट्टीका प्रहरी निरीक्षक पाडण्व राजवंशीले जानकारी दिए । उनी धरान–१३ जिरोप्वाइन्टका जनककुमार राई भएको उनले जानकारी दिए ।
शवसँगै खोलाको पुल माथि को३६प ४०२३ नम्बर भएको सुजुकी कम्पनीको रातो रंगको स्कुटी समेत बेवारिसे अवस्थामा भेटिएको छ भने घटनाको विषयमा थप अनुसन्धान भइरहेको प्रहरी निरीक्षक राजवंशीले जानकारी दिए । बेवारिशे भेटिएका शवको मुचुल्का गरी शव पोस्टमार्टमको लागि धरानस्थित बीपी कोइराला स्वास्थ्य विज्ञान प्रतिष्ठान पठाइएको राजवंशीले जानकारी दिए ।