धरानः धरानमा आइतबार चारजना संक्रमित थपिएका छन् ।
चारजनाले धरानस्थित बीपी कोइराला स्वास्थ्य विज्ञान पञ्तिष्ठानको हेल्प डेस्कमा परीक्षण गरेका थिए । यीमध्ये दुईजनाचाहिँ बीपीकै कर्मचारी रहेको धरान उपमहानगरपालिका स्वास्थ्य महाशाखा प्रमुख उमेश मेहताले उमेश मेहताले जानकारी दिए ।
बीपीकै ३८ वर्षीय सेक्युरिटी गार्डमा कोरोना पोजेटिभ देखिएको उनले जानकारी दिए । यस्तै, बीपीकै परीक्षा शाखाको प्रशासनिक सहायकका रुपमा कार्यरत ४७ वर्षीय पुरुषमा कोरोना पुष्टि भएको छ । उनीहरूको कन्टयाक्ट ट्रेसिङका आधारमा परीक्षण गराउँदा यस्तो रिपोर्ट आएको हो ।
यस्तै, धरान–१८ का ५२ वर्षीय पुरुषमा पनि कोरोना पोजेटिभ देखिएको छ । उनी बीपी प्रतिष्ठानमा काम गर्ने नर्सको बुबा हुन् । बीपीकै मेडिसिन वार्डमा छोरीको साथीहरू आउने गरेको र परीक्षण गराउँदा ती नर्स र परिवारका अन्य सदस्यमा नेगेटिभ रिपोर्ट आएको तर उनमा भने पोजेटिभ रिपोर्ट आएको थियो । यस्तै, धरान–१० का ३३ वर्षीय पुरुषमा कोरोना पोजेटिभ देखिएको छ । उनी बीपी प्रतिष्ठान गइरहने गरेको खुल्न आएको उनले जानकारी दिए । योसँगै धरानमा संक्रमितको संख्या १४४ पुगेको छ ।