धरानः धरानस्थित भानुचोकमा ठक्कर दिने सवारी साधन र मृत्यु हुने व्यक्तिको पहिचान खुलेको छ ।
सोमबार राति धरानस्थित भानुचोकमा ठक्कर दिएर सवारी साधन फरार रहेको थियो । ठक्कर दिई मृत्यु हुने धरान–७ बस्ने निर्मल तामाङ रहेको इलाका प्रहरी कार्यालय धरानका डिएसपी ज्ञानेन्द्र बस्नेतले जानकारी दिए । उनको खास घर सिक्किम रहेको र धरान–७ मा बस्दै सिटी सफारी चलाउँदै आएको खुल्न आएको उनले जानकारी दिए ।
अन्दाजी ३५ वर्षका उनलाई को१ज २५९१ टाटा सुमोले ठक्कर दिएको उनले जानकारी दिए । सो सवारी साधनका चालक फरार रहेको र उनको खोजी भइरहेको उनले जानकारी दिए । सो सवारी साधन धरान–८ स्थित बरगाछीमा फेला परेको थियो ।
दक्षिणबाट उत्तरतर्फ जाँदै गरेको सो सवारीले तामाङलाई ठक्कर दिएको थियो । ठक्कर दिएपछि गम्भीर घाइते भएका उनको धरानस्थित बीपी प्रतिष्ठानमा मृत्यु भएको थियो । उपचारको क्रममा सोमबार राति करिब ११ः१५ मा उनको मृत्यु भएको प्रहरीले जनाएको छ ।
उता धरान-तरहरा सडक खण्डअन्तर्गत जंगलमा पनि एक सवारी साधनले ठक्कर दिँदा एक पैदलयात्रीको मृत्यु भएको छ । तर हालसम्म सवारी साधन र ठक्करले मृत्यु हुने व्यक्तिको पहिचान समेत नखुलेको उनले जानकारी दिए ।
सवारीसाधनले ठक्कर दिँदा उनको मृत्यु भएको थियो । उनको बीपी कोइराला स्वास्थ्य विज्ञान प्रतिष्ठानमा उपचारका क्रममा मंगलबार ८ः३० बजे मृत्यु भएको थियो । अन्दाजी ३० वर्षको देखिने उनको गम्भीर अवस्थामा प्रतिष्ठान भर्ना गरिएको थियो । प्रतिष्ठानमा उपचारको क्रममा मृत्यु भएको प्रहरीले जनाएको छ । फरार सवारीसाधनको खोजी भइरहेको प्रहरीले जनाएको छ ।