सुनसरीः सुनसरीको इनरुवाबाट प्रहरीले लागूऔषधसहित चार जनालाई पक्राउ गरेको छ ।
पक्राउ पर्नेमा निरज शिवाकोटी, ममता श्रेष्ठ, रुपेश माझी र मनिष राई रहेका छन् । घरभित्र लुकाई राखिएको अवस्थामा प्रहरीले लागूऔषध भेटेपछि इनरुवा–३ शिवालय टोलबाट उनीहरुलाई पक्राउ गरेको हो ।
पक्राउ परेका मध्ये निरज घरबेटीका छोरा हुन् भने महिला स्थानीय हुन् । माझी र राई भने रामधुनी नगरपालिका वडा नम्वर ७ का बासिन्दा हुन् । सुनसरीले प्रहरीले उनीहरुलाई लागूऔषध सेवन तथा कारोवारीमा संलग्नताको आधारमा पक्राउ गरिएको जनाएको छ । प्रहरीले कुखुराको खोरमुनी खाल्डो खनी लुकाएर राखिएको अवस्थामा विभिन्न किसिमका लागूऔषध फेला पारेको थियो । पक्राउ परेकाहरुमाथि कानुनी कारवाही अघि बढाइएको जिल्ला प्रहरी कार्यालय सुनसरीले जनाएको छ ।