खोटाङः खोटाङ दिप्रुङचुईचुम्मा–३ रोबलुङ छितापोखरी बस्ने ७५ वर्षीया चन्द्रकुमारी मगरको बसको चक्काले किचेर मृत्यु भएको छ ।
सोमबार बिहान सवा ८ बजे छितापोखरी रसुवाघाट सहायक सडक खण्डमा ना५ख ९०२२ नम्बरको बसमा चढ्ने क्रममा चन्द्रकुमारी चिप्लिएर लड्दा सोही बसको पछाडिको चक्काले किच्दा उनको घटनास्थलमै मृत्यु भएको जिल्ला प्रहरी कार्यालय खोटाङले जनाएको छ ।
बस र बस चालक सुनसरी बराहाक्षेत्र–४ का ३५ वर्षीय दलबहादुर पौडेल नियन्त्रणमा रहेको १ नम्बर प्रदेश प्रहरी कार्यालय विराटनगर सूचना समन्वय अधिकृत प्रहरी नायव उपरीक्षक विपिन रेग्मीले जानकारी दिए ।
हाम्रो कोशी आवाज
