धरानः धरानको जल्पारोड कालोपत्रे बन्ने भएको छ । ड्रेनसहित ३० फिट चौडाई भएको कालोपत्रे सडक बन्ने जनाइएको छ ।
नगर गौरवको योजनाअन्र्तगत परेका जल्पा रोड तथा ढल निर्माणको सम्झौता ०७७ माघ २२ गते भएको थियो । ठेकेदार कम्पनीसँग ०७८ माघ २२ गतेभित्रमा निर्माण सम्पन्न गर्ने सम्झौता भएको छ । सडक ३ सय ९० मिटरको छ । सो m सडक नगर गौरवको आयोजनाअन्र्तगत २ करोड ३७ लाखमा ठेक्का लागेको हो । सडक तथा ढल निर्माणको ठेक्का भूमिस्वामी नारायण जेभीले लिएको छ ।
धरान–३ स्थित चिनियाँ चौकदेखि चौबिसे समाज सम्म निमाण हुने जल्पा रोड तथा ढल निर्माणको सोमबार शुभारम्भ गरिएको छ । जल्पा रोड तथा ढल निर्माणको प्रदेश एकका प्रदेश सभा सदस्य चन्द्रप्रसाद श्रेष्ठ, धरान उपमहानगरका मेयर तिलक राई र वडाका वडाध्यक्ष आशाकुमार श्रेष्ठले विधिवत रुपमा पूजा गरेर संयुक्तरुपमा नरिवल फुटाएर सडक तथा ढल निर्माणको शुभारम्भ गरेका हुन् ।
प्रदेश सभा सदस्य श्रेष्ठले लामो समयपछि सडक निर्माण हुन लागेको भन्दै यस सडकले वडा नं. ३ को सुन्दरता बढाउने बताए । धरान उपमहानगरका मेयर राईले धरान उपमहानगरपालिको नगर गौरवको योजनाअन्र्तगत जल्पा रोडको शुभारम्भ गरिएको बताए ।
उनले ठेकेदारले आफ्नो जिम्मेवारी असल नियतका साथ काम गर्दै समयमै काम सम्पन्न गर्न आग्रह गरे । वडाध्यक्ष आशाकुमार श्रेष्ठले सो सडक ८ वर्ष अगाििड बनेको बताउँदै त्यहाँदेखि यता बाटो नबनेको बताए । जल्पारोड अन्र्तगत मानिसहरुलाई आवतजावत गर्न समस्या हुने गर्दथ्यो । अहिले पनि समस्या कायमै छ । सडक तथा ढल निर्माणको कार्यसमय मै सम्पन्न हुने उनले विश्वास व्यक्त गरे । बाटो निर्माणमा वादविवाद नहोस् भनेर सहजीकरण गर्नका लागि सात जनाको समिति समेत गठन गरिएको जनाइएको छ ।