पाँचथरः पाँचथर फाल्गुनन्द–५ सुलुम्फीस्थितमा टयाक्सी दुर्घटना हुँदा सवार एकको मृत्यु भएको छ ।
मृत्यु हुनेमा इलाम फाकफोकथुम–७ एकतप्पाका २२ वर्षीय पदम लिम्बू रहेका छन् । पाँचथरबाट झापातर्फ आइरहेको मे१ज ४१६ नम्बरको ट्याक्सी बुधबार बिहान पौने ११ बजे उकालोमा अचानक ब्रेक फेल भई रोडको साइटमा पल्टिँदा सवार लिम्बू गम्भिर घाइते भएका थिए ।
घाइते लिम्बूलाई तत्काल उपचारार्थ जिल्ला अस्पताल पाँचथर लाने क्रममा उनको बाटोमै मृत्यु भएको १ नम्बर प्रदेश प्रहरी कार्यालय विराटनगरका सूचना समन्वय अधिकृत प्रहरी नायव उपरीक्षक बिपिन रेग्मीले जानकारी दिए ।
हाम्रो कोशी आवाज
