विराटनगरः लेटाङ-९ का ४५ वर्षीय रविन्द्रकुमार लिम्बूको आफैले चलाएको मोटरसाइकल दुर्घटना हुँदा मृत्यु भएको छ ।
आइतबार राति साढे १२ बजे लेटाङ-९ पारुहाङ चोकस्थितमा मे९प ९५१ नम्बरको आफै अनियन्त्रित भई दुर्घटना हुँदा गम्भीर घाइते भएका चालक लिम्बूको विराट अस्पताल विराटनगरमा उपचारको क्रममा सोमबार बिहान ४ बजे मृत्यु भएको इलाका प्रहरी कार्यालय लेटाङले जनाएको छ ।
यस्तै, मोरङकै सुन्दरहरैंचा-७ गोठगाउँका २६ वर्षीय विनोद घिमिरेको करेन्ट लागेर मृत्यु भएको छ । आइतबार बेलुका साढे ४ बजे छिमेकीको घरमा बिजुलीको वाइरिङ गर्ने क्रममा करेन्ट लागेर घाइते भएका उनको नोवेल अस्पतालमा उपचारको क्रममा बेलुका साढे ५ बजे मृत्यु भएको इलाका प्रहरी कार्यालय बेलबारीले जनाएको छ ।