धरानः कोरोनाभाइरस संक्तमण बढ्दै जाँदा सरकार कडाइ गर्ने निष्कर्षमा पुगेको छ ।
आइतबार बसेको कोभिड १९ संकट व्यवस्थापन केन्द्र (सीसीएमसी) को बैठकले ग्रामिण क्षेत्रमा २०० र सहरी क्षेत्रमा ५०० कोरोना संक्रमित भेटिए निषेधाज्ञा जारी गर्न सरकारलाई सिफारिस गरेको छ ।
सीसीएमसीले लकडाउन गर्ने अधिकार स्थानीय प्रशासनलाई दिएको जनाइएको छ । सीसीएमसीले यस्तो अवस्थामा स्थानीय प्रशासनले निर्णय गर्न सक्नेगरी मार्गप्रशस्त गरि दिनेगरी सरकारलाई सिफारिस गरेको हो ।  प्रमुख शहरहरुमा  कोरोना संक्रमण नियन्त्रणका लागि लकडाउन गर्ने अधिकार प्रमुख जिल्ला अधिकारीहरुलाई दिन मन्त्रिपरिषद्‌मा सिफारिस गरिएको छ ।
सहरी क्षेत्रमा ५०० संक्रमित र पहाडि क्षेत्रमा २०० संक्रमित पुष्टि भएमा लकडाउन गर्ने अधिकार स्थानीय प्रशासनलाई दिनसमेत सीसीएमसीले सिफारिस गरेको हो ।