धरानः नेवार समुदाय भित्रका बौद्ध धर्मावलम्बीको पवित्र महिना गुंलाधर्म सुरु भएको छ ।
बौद्ध धर्मावलम्बीहरु आजदेखि एक महिनासम्म बिहान विभिन्न परम्परागत बाजा बजाएर विभिन्न तीर्थस्थलमा जाने चलन छ ।
शाक्य, बज्राचार्य, साय्मी, उदाय र महर्जन समुदायले गुंला बाजा समूह दिनहुँ बाजागाजासहित काठमाडौंको स्वयम्भू परिक्रमा गर्ने चलन छ । तर यसपालि कोरोना भाइरसको जोखिम कायमै रहेकाले एक महिनासम्म हुने धार्मिक गतिविधि पनि प्रभावित भएको छ ।
यसपालिको मतयाः यही भदौ ८ गते इखालखुबाट सञ्चालन हुनेछ । तर यसपालि कोरोना भाइरसको जोखिमका कारण परम्परालाई मात्र निरन्तरता दिने किसिमबाट सञ्चालन गरिनेछ ।
विशेषगरी नेवार समुदाय भावनात्मक रुपमा जोडिएको भेटिन्छ । विभिन्न नेवाः मौलिक बाजागाजा सहितको यस पितृ उद्धार कार्यक्रमलाई नयाँ पुस्तामा हस्तान्तरण गर्ने प्रयास र हारती अजिमा मन्दिरको संरक्षण र सर्वद्धन गर्ने हेतु यस कार्यक्रमलाई निरन्तर रुपमा संस्कृति टेवाका लागि आयोजन गर्दै आइरहेको छ ।
विशेष गरेर गुंला प्रतिपदामा घण्टाकर्ण चतुर्दशी देखि आफुहरुले बजाउन जानेको मौलिक नेवाः बाजागाजा सहित एक महिनासम्म विहान–विहान विभिन्न शक्तिपिठ (चैत्य, मन्दिर, विहार) घुम्ने महिना हो ।