धरानःआगामी साउनदेखि अब ६८ वर्षमै वृद्धभत्ता पाइने भएको हो ।
आगामी आर्थिक वर्ष २०७९-८० को बजेट भाषण गर्दै यस्तो घोषणा गरेका हुन् ।
यसअघि ७० वर्षमा पाइदै आएको वृद्धभत्ता अब ६८ वर्षमै पाइने भएको हो ।
एक खर्ब ३४ अर्बको बजेट सामाजिक सुरक्षाका क्षेत्रमा विनियोजन भएको छ । आर्थिक वर्ष २०७९/८० को बजेट प्रस्तुत गर्दै अर्थमन्त्री जनार्दन शर्माले आगामी आर्थिक वर्षदेखि लागू हुने गरी वृद्धभत्ता पाउने उमेर घटाइएको जानकारी दिए । हाल विभिन्न ८ शीर्षकमा सरकारले वृद्धभत्ता उपलब्ध गराउँदै आएको छ ।
हालको व्यवस्था अनुसार बृद्धभत्ता पाउनेहरुको संख्या ३४ लाख ५० हजार ८०९ जना पुगेको छ । यस्तो संख्या अघिल्लो वर्ष २८ लाख थिए ।
सरकारले समाजिक सुरक्षा भत्ता नलिने व्यक्तिलाई सम्मान गर्ने भएको छ । आगामी आर्थिक वर्षदेखि ६८ वर्षका व्यक्तिलाई बृद्धभत्ता दिने घोषणा गरेका अर्थमन्त्री जनार्दन शर्माले भत्ता नलिने स्वघोषणा गर्ने व्यक्तिलाई सम्मान गरिने घोषणा गरेका हुन् ।